Senja Skyrace: Sofie tok slekts-duellen.

Det er ikkje kvart år Velledalen IL har utøvarar som deltek på Skyrace på Senja.

Men sidan Velledalen IL er 120 år i år var det ikkje urimeleg at dei to borna til VIL-leiaren, Simon og Sofie, skjenka han ei gåve i høve åremålet. Og vi kan kalle det er frisk gåve, sidan Senja Skyrace ikkje er for kven som helst, med sine 26km og kring 2400 høgdemeter. Men Simon og Sofie var ikkje åleine i slekta. Dei hadde med søskjenbornet sitt, Cecilie Skylstad Solem (dotter til Hau-Svein og Tove) og Grethe Morseth, kjærasten til Simon.

Det høyrer med til soga at alle fire fullførte løpet med glans. Nettsida kjenner ingen detaljar, men Sofie var raskast av kvartetten gjennom denne tøffe utfordringa:

5.59.48: Sofie Skylstad Hole – ekstra fint å kunne smyge seg under seks timar

8.14.00: Grete Morseth

8.13.58: Cecilie Skylstad Solem

8.24.52: Simon Skylstad Hole

Raskast gjennom løypa var Eirik Dagssønn Haugsnes, Tromsø Løpeklubb, med tida 3.40.55.

Nettsida gratulerer alle fire med vel utført jobb!