Ove Inge held fram som leiar i Velledalen IL

Velledalen IL heldt årsmøte tysdag 19.mars 2024. Sjå det nye hovudstyret!

Årsmeldinga synte at Velledalen IL hadde eit aktivt år i 2023 med ei rekkje arrangement. Med Konradløpa og Førjulsmessa som dei største.

Laget hadde framimot 100 aktive med i konkurransar i inn- og utland. Då er ikkje deltakarar i MiniKonrad og den lokale langrennscupen rekna med.

Dei kring 100 har konkurrert i OCR-hinderløp, orientering, randonè, fjelløp ultra, landevegsløp, baneløp, langrenn. Og eit offisielt 24-timars løp der Christina og Emma Holmberg gjorde glimrande innsats. Laget har fått to NM-vinnarar i 2023, Njål Torillson Tyssing i halvmaraton klasse M 40-44, og Anette Heimli Jokstad i klasse kvinner elite hinderløp. Anette sette også ny løyperekord for kvinner under Konradløpet med tida 16.45. Også herrevinnaren i Konradløpet 2023, representerte Velledalen IL, nemleg Nikolai Handle Jensen (14.50) Njål har sett fire klubbrekordar i 2023. To på 10 000 meter bane (32.42 som best), på 5 km landevegsløp (16.05) og 10 km landeveg (32.36).

      Espen Utgård Sæther hadde ein knallsesong på heil- og halvmaraton, og stod for klubben sine bestetider der. Han gjorde unna halvmaraton i Sørfjorden på 1.12.08, og kom topp-10 under NM heilmaraton i Oslo på 2.35.32. Seinare i sesongen leverte han 2.34.15 i Malaga.

    Men det er likevel breidda som er det mest slåande. Velledalen IL mønstra 17 ulike løparar under Ålesund Vinterkarusell 2023/2024. Frå årskonfirmanten Jone Schmidt Breivik som den yngste, til Bjørn Arve Brune som den eldste (60 år i år). Veteranane våre sytte for fire KM-medaljar under KM halvmaraton på Vartdal i 2023. Fem utøvarar frå Velledalen IL sprang heilmaraton i 2023, fire menn og ei kvinne. Inger Anne Riksheim vart trimpostvinnar samanlagt (15 postar), og Idrettskulen har vore i god drift heile året. Trimgruppa har hatt sine faste treningsaktivitetar, der både menn, kvinner tenåringar og born kan delta.

Velledalen IL sitt styre for 2024 ser slik ut:

Ove Inge Skylstad, leiar

Atle Hole, nestleiar

Tormod Klokk, kasserar (ny)

Anita Mosby Nakken

Kristine Eliassen

Cecilie Naustenget

Sondre Bårnes (ny)

1.vara: Iwona Uchal (ny)

2.vara: Håkon Fet

Valkomiteen hadde ikkje fått på plass alle gruppeleiarane, men fylgjande er klart:

Langrenn: Svein Arne Nakken

Friidrett: Alf Petter Bøe