Friidrettsgruppa si eiga terminliste

Søndag hadde friidrettsgruppa møte der dei diskuterte planane for året. Diskusjonane omhandla kva løp laget skal sponse startkontingent til i 2024, samt kva løp som skal arrangerast av gruppa og laget generelt.

Sponsa løp:

Det vart bestemt at Velledalen IL skal sponse deltaking i desse lokale løpa:

• 24. april, 8. mai og 22. mai: Sommarløpa i Ålesund (Ålesund)
• 07. september: Stavekollen SkyRun (Ikornnes, Sykkylven)
• 05. oktober: Gloppen Halvmaraton (Sandane, Gloppen)

Velledalen IL sponsar elles all deltaking i KM Møre & Romsdal, samt NM-deltaking. Her nemnar vi at KM i halvmaraton arrangerast på Vartdalsstranda 25. mai, og her er det stort potensiale for høg VIL-deltaking.

I 2024 er Hytteplanmila NM-arrangør for distansa 10 km. Her har deltakinga frå klubben vår vore stor. Dette løpet er altså sponsa - kontingenten blir refundert. Løpet går 19. oktober.

NM i halvmaraton kolliderar med KM-løpet (samme dato), men deltakartalet frå VIL blir nok uansett heilt i det små, då arrangøren held til i Birkenes (Agder) i 2024. Meir aktuelt er då NM i heilmaraton som finn stad i Knarvik, nord for Bergen, 22. juni. Kanskje finn nokon av langdistanseløparane til VIL vegen dit? NM i motbakkeløp er Kvasshovden Opp, og vert arrangert i Ulvik i Hardanger i 13. juli.

Arrangørløp:

Friidrettsgruppa i Velledalen IL vil arrangere følgande løp i 2024:

• Sundag 14. april: 3000 metertest på Ikornnes Idrettspark. (Allereie komande helg)
• Tysdag 30. april: MiniKonrad ved Velledalen Grendahus.
• Onsdag 1. mai: Konradløpet med start på Brunstad. (Påmeldinga er opna!)
• Veke 20: Koldabakken Grand Prix på Hole i Velledalen.
• Sundag 13. oktober: 3000 metertest på Ikornnes Idrettspark.
• Sundag 27. oktober: Haustløpet (5 km/10 km) med start og mål i Straumgjerde.

Det vil bli arrangert eit prøveløp i 5 km/10 km-trasséen 16. juni. I tillegg vil gruppa vere tungt involvert i Oktoberløpet til inntekt for Rosa Sløyfe-aksjonen i oktober. Dato fastsetjast seinare.

Friidrettsgruppa i Velledalen IL ser i 2024 slik ut: Alf Petter Bøe (leiar), Susan Gjerde, Frode Hoprekstad, Frode Mauren, Henning Tandstad, Vegard Tandstad og Anders Wigdahl.