Ny kasse på Myrdalsfjellet trimpost

For ei tid sidan opplevde vi at kassa ved trimposten på Myrdalsfjellet brått vart borte.

Om det var vind eller sabotasje er ikkje godt å seie. Og sidan trimgruppa ikkje hadde fleire kasser liggande på lager, tok dette rimelegvis ei viss tid. Trimpost-ansvarleg, Nils Terje, gjekk til innkjøp av nye kasser, og ein flittig vandrar på Myrdalsfjellet, Elling Hole (snart 83), tok jobben med å få den nye på plass. Ny bok kom på plass i kassa, slik at alle turar heretter kan bokførast. Nils seier at alle som har ei viss peiling på kor mange turar dei hadde i gamlebok, held fram vidare i talrekkja i den nye boka.

Eks: Elling Hole hadde kring 30 turar i boka som forlet oss, så han startar då på 31 i den nye. Det får stå si prøve om ein ikkje treff nøyaktig på talet. Det vert rettare å gjere det slik, enn at alle skal byrje på 1 igjen.