Njål sette klubbrekord på 3000 meter – 9.08 på Bislett

Njål Torillson Tyssing pressa sin eigen klubbrekord på 3000 meter bane ned frå 9,10 til 9.08 på Bislett i dag.

Dette gjorde han under ”Moseby Invitational”, eit arrangement i regi av Erling og Håvard Moseby. Vi kjem tilbake med fleire resultat, men nemner at Njål sprang 28 sekund raskare enn Petter Northug jr. gjorde under same stemne i 2023.

Njål skriv fylgjande på Strava:

• Lite positivt å ta med seg utover pers med to sekund. Katastrofal start, låg som nr.30 i heatet etter 200 meter og 14 etter 600 meter. Taktiske eigenskapar som ein kar frå Jæren……Burde seeda meg sjølv litt betre, men ikkje noko å gjere med det. Nokså like splittar på 72-73, men fyrste 200 meter på 41 sekund blei vanskeleg å hente inn når målet var sub 9. Mykje spreke folk med tunge steg. Men veldig bra arrangement.

Velledalen IL gratulerer Njål med ny klubbrekord på 3000 meter bane!