Velledalen IL takkar for 2313 grasrotkroner i juni

Talet givarar held seg stabilt.

97 personar gav bort grasrotkronene sine til Velledalen IL i juni månad. Dette talet held seg ganske stabilt, så langt i 2024 har det variert mellom 96-98. Det er særdeles stor aktivitet i laget no, så pengane kjem vel med.

Litt om lags-aktiviteten i juni:

Såleis hadde vi med 26 deltakarar under den store breidde- løpshelga i Ålesund. Nokre toppar, men mest breidde. Vi har hatt deltakarar med under OCR-EM i Italia (Anette og Nikolai), Kjell Magnar har vunne- og sett løyperekord – under Fyr til fyr i Fosnavåg, Njål har sett to nye klubbrekordar i baneløp (3000 meter og 5000 meter), det har vorte sett ei rekkje nye personlege rekordar. Og ikkje minst; i juni  har vi fått fire nye løparar inn i flokken, utøvarar med framgang som mål.

Komande helg har Velledalen IL løparar i aksjon under Hornindal Rundt, Kristiansund Havmaraton, Jølster Maraton og Hellesyltløpet – og kanskje andre stadar. Juli er ferietid, men vi kan love at VIL-løparane trenar.

Igjen stor takk for 2313 kroner frå 97 givarar i juni månad!!