Åtte VIL-utøvarar i aksjon i kveld

Njål T. Tyssing totalvinnar på 10 km (33.16) og Espen Utgård Sæther det same på 5 km (17.27) – som «hare»

Men vi startar likevel i Molde, der Robert Vasset sprang 3000 meter på bane på fine 9.41, tysdag 16.juli. Så vidt nettsida veit er dette fjerde beste Velledalen IL-tid på distansen . Vi har ikkje sett resultatlista, så plassering og den slags får vente.

Så til Vasstrandmila i Ålesund, med distansane 3 km, 5 km og 10 km. 84 påmelde. Slik gjekk det med våre:

3 km:

11.58: May Evy Nesheim – nest beste kvinne på distansen, vinnar av K 45-49, ny pers.

13.07: Frank Selmer Andersen – vinnar av M 35-39, tredje beste herretid

09.39: Kristian Nedregård, Spjelkavik & Omegn. Beste herre

11.51: Malin Berge, Kondis. Beste kvinne.

5 km:

17.27: Espen Utgård Sæther – totalvinnar 5 km og vinnar M 23-34

17.31: Vegard Riksheim Tandstad – ny pers med god margin, nr 2 totalt på distansen

18.31: Robin Jørgensen – trippel Velledalen IL på distansen og i M 23-34

22.58: Beste kvinnetid på distansen gjekk til Emilie, Karoline og Martine, alle med etternamn Olsen.

Her er det verdt å merke seg at Espen tidlegare på dag la bak seg ei økt på drygt 12 km. I Spjelkavik var han «hare» for Vegard i 4,8 km. Arrangøren fekk feil tid på Robin (22.24), som vi håper vert retta opp.

10 km:

33.16: Njål Torillson Tyssing – totalvinnar 10 km

39.19: Frode Mauren – nr 2 M 50-54

39.20: Frode Vasset – nr 4 M 23-34

40.45: Unni Irene Arnestad. Beste kvinne

Dette var tala. Dei fortel ikkje alt. Dei fortel ikkje at Frode fekk hjarteflimmer etter kring seks kilometer og måtte stoppe opp, dei fortel ikkje at Espen var hare for Vegard mesteparten av løpet, eller at dette var Espen si andre økt for dagen. Tala fortel heller ikkje kva Frode Vasset la i løpet. Trass alt sprang han ein tøff 3000 meter på gamle Molde stadion 24 timar før han mønstra på i Spjelkavika. Tala fortel ikkje at arrangøren hadde tida 22.24 på Robin Jørgensen, ei tid alle som kjenner «guten» forstår må vere feil. Tala fortel ikkje at klubben har mange som brenn etter å konkurrere. Truleg vert vi sterke også i Hornindal om ei og ei halv veke. Ivar Flo (miniton), Hilmar Kråkenes (heilmaraton) og Robin Jørgensen (halvmaraton) er alt påmelde.

Men tala har sin verdi. Dei fortel om solid personleg rekord på Vegard Tandstad på 5 km, og det same til May Evy på 3 km, som vår einaste kvinne på startstreken denne kvelden. Tala fortel at Frank Selmer har levert opp mot sitt aller beste på 3 km, og at Njål alltid leverer kvalitet. Like eins Espen, anten han har trena same dag eller ikkje. Vidare fortel tala at Velledalen IL er ein klubb som vert lagt merke til lokalt, denne gongen med bestetid for herrar både på 5 km og 10 km.