Fem VIL-herrar sprang 10 km i Hornindal

Og der var det mykje å glede seg over for mange.

Kjekkast av alt var at Bjørn Arve Brune var tilbake. Han fullførte til klassesiger i klasse M 60-64 på tida 45.10 etter langvarig skadeavbrot. Faktisk var det i samband med Valderløpet i april, han vart skada. Etter fleire tilbakeslag var løpet i Hornindal det fyrste etter skaden der han ikkje kjende smerte. Planen var at Bjørn Arve som yngst i klasse M 60-64 skulle ha ein storsesong i 2024. Vårsesongen vart spolert, men hausten kan framleis bli glimrande. Klassevinnar vart også Anders Wigdahl i klasse M 35-39 på tida 37.20. Ei tid som var best av Velledalen IL sine mil-løparar i Hornindal. Per Inge Bjørnestad gjorde årsbeste med 37.59, 2.plass i klasse M 50-54. Mellom Anders og Per Inge kom Vegard Riksheim Tandstad i mål på tida 37.33, 3.plass i klass M 23-34. Same plassering fekk Frank Andersen i klasse M 35-39, altså 3. plass, med tida 50.35. Men Frank var den som kunne reise heim med gjevaste premien av VIL-løparane etter å ha vunne ein av uttrekks-premiane.

Resultat 10 km herrar, Hornindal 27.juli 2024:

1. Bjørn Inge Verås, Naturskolen Kongsberg, 36.27 (M 45 – 49)
2. Per Ove Walaker, Fanaråk IL, 36.40 (M 50-54)
3. Sindre Osdal, Austefjord IL, 37.10 (M 23-34)
4. Håvard Mork Sandvik, Tartanmåndag, 37.13 (M 23-34)
5. Anders Wigdahl, Velledalen IL, 37.20 (M 35-39)
6. Vegard Riksheim Tandstad, Velledalen IL, 37.33 (M 23-34)
7. Per Inge Bjørnestad, Velledalen IL, 37.59 (M 50-54)
8. Iben Armann Jeppesen, Sp.Vidar, 39.22 (M 23-34)
9. Anders H Thomassen, Monkehåjen, 41.19 (M 23-34)
10. Dag Steinset, Brandbu IF, 43.19 (M 50-54)
11. Bjørn Arve Brune, Velledalen IL, 45.10 (M 60-64)

19. Frank Andersen, Velledalen IL, 50.35 (M 35-39)