SFTR: Slik gjekk det med Ole Martin og Kjell Magnar

Postet av Atle Jomar Hole den 11. Aug 2024

Kos dykk med resultatlista for klasse M 30-39 over distansen 48 km.

 

Før start var Kjell Magnar rekna som ein utøvar i favoritt-sjiktet både i klassa og på 48 km totalt. Og han innfridde – lenge. Men mot slutten røyna det på mellom anna med sterke kramper som gjorde det problematisk. I tillegg meinte ein av tilskodarane, Geir Helge Grebstad, at Kjell Magnar hadde bomma på sko-valet denne gongen, noko han langt på veg sa seg samd i etter målgong. Men 4.plass totalt og 3.plass i M 30-39 er uansett ein sterk prestasjon.

 

Ole Martin Korsnes i same klasse stiller i ein annan kategori enn Kjell Magnar. Etter Ole Martin la fotballen på hylla har han hatt framgang i alle typer løp. Prestasjonen på Stranda var også sterk. 18.plassen i klassa seier åleine ikkje så mykje om prestasjonen. Men at han sette ny personleg bestetid under dei rådande forhold var særs godt levert. Og særleg sidan han mot slutten av løpet fekk kjenning med «gamleskaden» sin i kneregionen. No er det berre å vone at dette ikkje vil plage han lenge.

 

Resultat SFTR, 48 km, M 30-39:

  1. Riccardo Montani, Italia, 6.12.41
  2. Steffen Brufladt, Romerike Ultraløpklubb, 6.13.56
  3. Kjell Magnar Berli, Velledalen IL/Dynafit, 6.31.00
  4. Ole Loftesnes, Isfjorden, 7.01.35
  5. Lucas Mao, Frankrike, 7.11.00
  6. Even Leivestad Sverdrup, Mnemonic BIL, 7.18.18
  7. Eimantas Daujotas, Litauen,7.24.01
  8. Per Arnsäter, Sverige, 7.32.07
  9. Marius Person Hårdnes, Equinor BIL Oslo,7.42.03
  10. Vitalii Khomenko, Ukraina, 7.49.20

 

  1. Egidijus Kuliesius, Litauen, 7.51.48

15. Mathias Hoggen Ålesund, 8.15.36

18. Ole Martin Korsnes, Velledalen IL, 8 43.36

19.  Martin Skuseth, Valldal IL, 8.44.45

20. Esa Lehti, Finland, 8.45.17

21. Magnar Tufte Tyssen, Sunnylven IL, 8.59.16

22. Matthias Wending, Tyskland, 9.01.31

25. Bård Finne, Voss, 9.52.05

29. Adam Nielsen, Danmark, 10.20.46

32. David Cheshire, Storbritania,10.36.24

37. Aleksander Myklebust, Valldal IL, 10.52.00

38. Stein Erik Alvestad, Nesøya, 11.30.44

 

Det høyrer med til soga at det var andremann i denne klassa som låg ann til å bli totalvinnar over 48 km. Men like før mål sprang Steffen Brufladt feil, med det resultat at italienaren Riccardo Montani smatt forbi, og vart totalvinnar.

Del

Kommentarer

Logg inn for å skrive en kommentar.