Får Velledalen IL NM-medalje komande helg….?

Ingen veit svaret, men det er nærliggjande å svare JA på spørsmålet.

Komande laurdag, 17.august, skal OCR- hinderløparane ha NM på Nannestad. Der er Velledalen IL sin skarpe deltakar i kvinner elite, Anette Heimli Jokstad, tittelforsvarar. Ho er ein klar pall-kandidat også i år. Det er slett inga bombe om ho forsvarar tittelen frå 2023. VIL-Nett trur Anette heilt sikkert tek medalje, med mindre ho vert råka av uhell. Som sjølvsagt kan skje i alle marginale idrettar.

Mellom herrane har Nikolai Handle Jensen sakte men sikkert nærma seg dei beste utøvarane i landet. På ein maks-dag kan Nikolai bli topp-3 mellom herrane, men han kan fort gjort hamne utanfor i området 4.-6.plass.

Velledalen IL kryssar fingrane for begge utøvarane våre, og ynskjer masse lukke til!

VIL-Nett sitt råtips: Gull til Anette, 4.plass til Nikolai.

Svaret får vi altså komande laurdag.