Espen sette ny klubbrekord – 1.10.03 i Drammen

Arkivfoto

Tre fantastiske plasseringar for Velledalen IL sine løparar i Drammen i dag.

Best plassering fekk Njål T. Tyssing med 5. plass i klasse M 40-44, på den fine tida 1.12.33

Elisabeth Hetlevik fylgde opp med 8.plass i klasse K 60-64, med tida 1.49.05.

Ikkje overraskande; Espen Utgård Sæther nummer 18 i hardaste klassa (M 23-34) på tida 1.10.03

Dermed sletta han Njål sin klubbrekord på halvmaraton for Velledalen IL

Nokon saknar kanskje Velledalen IL sine to siste påmelde, Constantin Rust og Robert Vasset. Alt tyder på at dei vart programheltar denne gongen, sidan dei ikkje finst på listene.

Kring 5000 løparar var i aksjon i Drammen.

Resultat, halvmaraton, klasse M 23-34:

1. Senay Fissehatsion, Ull/Kisa, 1.06.02
2. Erik Lomås, Salangen IF, 1.06.32
3. Magnus Warvik, SK Vidar, 1.08.28
4. Sondre Lomeland, SK Vidar, 1.08.40
5. Åsmund Wiberg, Otra IL, 1.08.53

10.Martin Brekke, MaratonKam, 1.09.11

15. Fredrik Deilkås, Hamnøy AS, 1.09.20

18. Espen Utgård Sæter, Velledalen IL, 1.10.03

25. Magnus B. Aaløkken, NIF, 1.10.54

30. Kristian Sveen, SK Vidar,1.11.42

35. Thomas Berntsen, Noteam, 1.12.12

40. Andreas Nygaard, Burfjord IL, 1.12.44

49. Tobias Nymo Melseth, Team Esagerato, 1.13.30 – masse slekt I Sykkylven!

50. Henrik Velle, IK Tjalve 1.13.35 – sterkt velledalsnamn!

Espen sin Strava-kommentar etter løpet:

• Pers med rundt 2 minutt, men 4 kipe sekund bak sub 70! 25.plass. Hang på gruppa til Ulriksen fram til 9 km. Slapp gruppa grunna en litt for rask km, for å unngå smellen. Småtungt fram til 17, før ej klarte mobilisere greitt derifrå og til mål. Alt i alt fornøgd! Lova godt før Berlin.

NB: Når Espen skriv det vart 25.plass, så meiner han nummer 25 av samtlege deltakarar. Når det står nummer 18 i resultatlista er det også rett. Han vart nummer 18 i klasse M 23-34.

Nettsida til Velledalen IL gratulerer Espen med ein glitrande prestasjon i Drammen!