Stor VIL-tropp til Sandane komande laurdag

Førebels har åtte utøvarar meldt seg på til breiddemønstringa i Gloppen. Sjå kven!

 Gloppen halvmaraton vert alltid arrangert seint på året. Ganske lurt, sidan ein då kolliderer med langt færre arrangørar enn ein elles ville ha gjort. Siste åra har Velledalen IL vore godt representerte under breiddemønstringa i Nordfjord.

Ja, for breiddemønstring er det. Komande laurdag går fyrste start klokka 13.00. Då er det  halvmaratonløparar som har tenkt å bruke kring to timar – eller meir – som skal i aksjon. Kring 50 slike påmelde hittil. Klokka 14.00 skal raskare halvmaratonløparar i aksjon, som inkluderer alle våre sju påmelde. Klokka 14.10 slepper arrangøren laus 10 km løparane, i skrivande stund ein stad mellom 40-50 løparar. Onsdag 2.oktober klokka 18.00 hadde 200 løparar meldt seg på; anten 10 km eller halvmaraton.

Desse stiller frå Velledalen IL

Halvmaraton (alfabetisk liste):

Per Inge Bjørnestad, M 50-54

Bjørn Arve Brune, M 60-64

Fridtjof Fredriksen, M 55-59

Stian Hole, M 45-49

Hilmar Kråkenes, M 45-49

Erika Oginte, K 35-39

Vegard Riksheim Tandstad, M 23-34

10 km:

Frode Mauren, M 50-54

Løypene i Gloppen vert rekna som lette, med lite tunge bakkar. Ein fin stad å debutere, med 13.00-start, for dei som går i slike tankar. Eller ein kan velje distansen på 10 km med start klokka 14.10. Det kan fort gjort bli fleire VIL-løparar enn dei åtte nemnde, som skal i aksjon komande laurdag.

Resultat vil kome på nettsida.

NB! Fotoet er henta frå Oslo (Oslo Maraton) der heile 18 VIL-løparar var i aksjon. Men det er diverre uråd å samle alle. Maraton-løpar Njål var ferdig lenge før 10 km-løparane møtte fram, eksempelvis. På fotoet – teke av Anita Nakken – er det difor stort sett halvmaratonløparar. Men godt gjort å samle så mange i den heksegryta som sentrum i hovudstaden var denne enorme løpsdagen.