Robin stiller på halvmaraton i Gloppen

Sidan oversikta i går, har ein ny VIL-løpar meldt seg på i Gloppen, nemleg Robin Jørgensen.

Og Robin har det verkeleg vore kjekt å fylgje i 2024-sesongen. Nye personlege rekordar mest kvar gong han stiller til start. Sist han var i aksjon var onsdag 25. september. Då var det «sommarløp» i Ålesund, Der Robin Jørgensen gjorde 17.55 på 5 km. Ny personleg rekord. Berre fire dagar før der igjen, sprang han halvmaraton på romsdalsk jord, med 1.23.05 som resultat. Også det personleg rekord. No spørst det om «batteriet» er full-ladda. I så fall kan Robin krype enno nærare den magiske 1.20-grensa i Gloppen.

Dermed tel VIL-troppen åtte menn og ei kvinne, førebels. Det kan bli fleire.