OVERSIKT OVER VELLEDALEN IL SIN INNSATS I GLOPPEN

Postet av Atle Jomar Hole den 5. Okt 2024

Velledalen IL hadde sju menn og ei kvinne i aksjon på distansen halvmaraton i Nordfjord i dagHer kjem ei kjapp oversikt over VIL-løparane sin innsats i Gloppen laurdag 5.oktober:

FRIDTJOF FREDRIKSEN:1.38.47 - nummer fire i klasse M 55-59. Fridtjof har køyrt seg hardt siste tida, med relativt mange harde løp på kort tid.  Truleg i minste laget restitusjon, gjorde at Fridtjof ikkje fekk vist seg frå beste sida denne gongen. Men fin 4.plass i ei ganske så stor klasse

ERIKA OGINTE:1.35.00 - nummer to av 11 i klasse K 35-39. Erika har hatt ein litt vanskeleg sesong med skadar og ganske så få løp gjennom sesongen. Difor ganske så sensasjonelt at ho flytta persen på halvmaraton frå 1.37.01 (sett i Gloppen 2023) til 1.35.00. Ho opna tøft og heldt overraskande bra. 1.35.00 på halvmaraton er ei tid berre Anette Heimli Jokstad har gjort betre av alle VIL-kvinner. Knall-avslutning på sesongen for Erika!


VEGARD RIKSHEIM TANDSTAD:1.29.44 -nummer sju i klasse M 23-34. Vegard var "hjelperyttar" for Bjørn Arve og Stian i Gloppen, der han øvde på maratonfarta som skal føre han under tre timar på distansen i Amsterdam i haust. Målet for dagen lukkast, i det både Bjørn Arve og Stian kom under 1.30. Vegard synest vere i god rute til ein fin prestasjon i Amsterdam.

STIAN HOLE:1.29.44 - nummer tre i klasse M 45-49. Stian er ganske fersk som maratonløpar, men har løfta seg enormt gjennom sesongen. Han debuterte med låg målsetting under Ålesund maraton. Så persa han kraftig i Molde med 1.29.14, før det vart 1.29.44 i Gloppen i dag. Som betyr at Stian har blitt stabil under 1.30 i debut-sesongen i klasse M 45-49. Med erfaringane frå 2024-sesongen som ballast er ytterlegare framgang venta i 2025.

BJØRN ARVE BRUNE:1.29.35 - nummer 1 i klasse M 60-64. No er Bjørn Arve i kanllform, noko han også viste under "10 for Grete" i Oslo. Tida 1.29.35 fører Bjørn Arve høgt opp på Noregs-statistikken, halvmaraton, klasse M 60-64. Bjørn Arve sin sigersmargin i klasse M 60-64 i Gloppen var på 15 minutt og 40 sekund. Det seier det meste om løpet. Kjekt at strandaren vår lukkast så grådig mot slutten av sesongen etter at heile fyrste halvdel "gjekk vasken" grunna skadar.


PER INGE BJØRNESTAD:1.25.23 - nummer to i klasse M 50-54. Per Inge sine halmaratonløp denne sesongen har vore prega av stabilitet. For 14 dagar sidan fekk han finfin plassering i Oslo med 1.25.17 på halvmaraton som resultat. Altså seks sekund raskare enn i Gloppen. Svært god sesong totalt.

ROBIN JØRGENSEN:1.23.11 - nummer fire av 39 fullførande i klasse M 23-34. Fattige seks sekund bak bestenoteringa frå Hustad tidlegare i sesongen. Robin hevdar sjølv han sprakk etter 16 km, men uansett kom han seg svært så skamlaust til mål. Robin har hatt ein komet-aktig sesong i 2024, men dreiv seg kanskje i hardaste laget med fleire harde løp i løpet av kort tid mot slutten av sesongen. Vi har garantert ikkje sett det siste - og beste - av Robin!

HILMAR KRÅKENES:1.18.05 - nummer 1 i klasse M 45-49 med ny personleg bestetid. Nummer tre av 150 totalt på halvmaraton i Gloppen. Hardhausen Hilmar har drive seg tøft denne sesongen, med heilmaratonløp i juni, juli og august, pluss ganske så mange andre harde konkurransar. Beste maratontid i 2024 vart 2.48 i Ålesund, elles vart han KM-vinnar på Hareid og totalvinnar på maraton i Hornindal. Så sein som onsdag for ei og ei halv veke sidan persa han på 10 km i Ålesund. Ein gild sesong går mot slutten for joviale Hilmar.






















Kommentarer

Logg inn for å skrive en kommentar.