Nikolai og Espen sette personlege rekordar

To VIL-løparar kunne reise frå Hønefoss med nye personlege rekordar på 10 km

Jens Nikolai Handle Jensen og Espen Sæther var dei einaste VIL-løparane som sette personleg rekordar denne gongen

Jens Nikolai:

Som mange andre hadde han opnings-kilometeren som sin raskaste (3.16). Han roa litt ned på i motbakkane mellom to og tre kilometer, der han noterte 3.35, hans svakaste kilometer. Men han kom seg OK til hektene, passerte 5 km på 17.06. Stod seg godt også på siste halvdel der han noterte 17.30. Dermed fin 46.plass av 488 startande i klasse M 35-39, eller nummer 327 av 4274 totalt, med tida 34.36 – to sekund raskare enn i 2023.

     Nikolai deltok ikkje i NM. Eigentleg litt synd, då han hadde fått ei fin plassering der, truleg i området nummer 25-30 i klasse M 35-39.

Espen:

Opna kvasst med 3.00 på opningskilometeren, berre sekundet bak Constantin. Men han skrudde ned tempoet eit knepp ganske raskt, då han skjøna at dette var heftig. Han passerte 5 km på sterke 16.08. Siste fem gjekk på 16.52. Dette er ikkje vanleg Espen-disponering, men så er det heller ikkje hans spesial-distanse. Svakaste fart heldt Espen mellom åtte og ni kilometer med ei km-tid på 3.25. Han tapte nokre plasseringar i siste del av løpet. Vart nummer 104 i NM uansett klasse og nummer 74 i eiga klasse M 23-34. Tida er lett å hugse; 33.00. Akkurat same tid som Njål, men dei to karane var ikkje i kontakt med kvarandre under løpet, berre så det er sagt. Totalt i Hytteplanmila vart Espen nummer 150 av 4274 startande.

Velledalen IL gratulerer Jens Nikolai og Espen med nye personlege rekordar!