Hytteplanmila: Gutane i M 50-54 sin innsats

Her hadde Velledalen IL med Frode Mauren og Per Inge Bjørnestad.

Slik gjekk det med Per Inge og Frode:

PER INGE BJØRNESTAD:

Drog til med 3.35 på fyrste kilometer. Heldt fram i god stim og hadde si beste klassevise plassering etter to kilometer (nr. 22). Passerte 5 km på 18.38. Plasseringsmessig stod han seg godt fram til seks kilometer. Mot slutten seig det litt på. Tre siste kilometer gjekk på 3.58 – 3.53 – 3.57. Sluttida vart 38.05, som betyr 19.27 på siste halvdel. Plasseringane vart likevel fine; nummer 31 i klasse M 50-54 i Hytteplanmila, nummer 17 i NM same klasse.

FRODE:

Opna sekundet svakare enn Per Inge (3.36) på fyrste kilometer. Men merka tidleg i motbakkane at sjukdomen han har vore plaga med siste tida enno sat i. Difor måtte han roe ned i motbakkane. Farta mellom sju og ni kilometer var 4.16 og 4.13. Heile 40 sekund skilnad mellom beste og svakaste kilometer på ein 10-ar er ikkje Frode på ein normal-dag. Han passerte 5 km på 19.29, og trass ein god bakkespurt, brukte han 20.42 på siste 5 kilometer. Plasseringane vart likevel respektable. Nummer 53 i Hytteplanmila i klasse M 50-54, og ein 25.plass i NM skal ein heller ikkje kimse av. Men alle veit at på ein «normal dag» hadde alt vore betre.

Sunnmøringane gjorde det godt i denne klassa, difor tek vi med nokre NM-resultat frå M 50-54:

1.Espen Nyland, Ottestad IL, 34.23

2.Kristian Nedregård, Spjelkavik&Omegn, 34.26

3.Håkon Hjemly, Sp Vidar, 34.28

4. Terje Gulbrandsen, Lillehammer IF, 34.38

5. Ole André Lukkedal, Ørskog IL, 35.39

10.Lars Odin Mellemseter, Lom IL, 37.14

15. Per Fredrik Pharo, Tjalve IK, 37.50

17.Per Inge Bjørnestad, Velledalen IL, 38.05

20.Roar Tomter, Follo Løpeklubb, 38.53

25.Frode Mauren, Velledalen IL, 40.11

Så har det kome spørsmål til VIL-Nett om NM-plasseringa til Grethe Helen Tynes i klasse K 50 -54.

Ho  vart som før nemnt nummer 67 i klasse K 50-54 under Hytteplanmila, og nummer 14 under NM gateløp/landevegsløp i same klasse. Bravo!