Går mot lageleg vêr under Førjulsmessa 2024

Arbeidslistene er ute, og du kan kjøpe basarboklodd (kr 10,-per stk) ved å vippse til #562 576

Alt er klart frå messesjef Myriam si side, men som alltid mot slutten vert det småjusteringar. Nokre melder forfall grunna sjukdom, og nye kjem inn. Talet utstillarar ligg mellom 35-40. Dei aller fleste vert på plass begge dagar, medan nokre få vel deltaking berre ein av dagane. Mange nye utstillarar dette året, og litt nytt i den forstand at det vert musikk frå scena gjennom ein av utstillarane, Fet Lyd & Musikk. Elles vil ein finne stor tombola på eige rom, det vert loddsal på basarbøker (du kan kjøpe lodd allereie ved å vippse til #562 576 – kr 10 per lodd) med 20 flotte vinstar innan mat, handarbeid og kunst. Førjulsmessa er kjend for god kaffi og gode kaker, ein tradisjon vi fører vidare i år.

    I 2024 er det 30 år sidan fyrste Førjulsmessa vart arrangert. Her vil du ikkje ha vanskar med å finne høvelege julegåver, eller farsdagsgåve (10.november) for den saks skuld. Alle er hjarteleg velkomen innom, laurdag 9.november frå klokka 11.00-17.00, sundag frå klokka 11.00-16.00. Inngangen er GRATIS!

PS. Hugs levering av tombolavinstar fredag 8.november klokka 18.00-20.00