Kring 70 med i trekning av Velledalen IL si julegåve

Skopar frå Løplabbet Bergen vert trekt mellom alle Velledalen IL sine aktive i 2024.

Espen Utgård Sæther jobbar på Løplabbet Bergen. Gjennom han, har vi fått betydeleg rabatt på eit par gode løpssko. Dette paret vert trekt mellom alle Velledalen IL sine aktive i 2024, kring 70 personar i talet. Med aktive meiner vi personar som har delteke i skirenn, orientering eller løp, utanfor Sykkylven kommune i løpet av 2024. Som betyr at eksempelvis deltaking i Konradløpet ikkje er nok. Har du ikkje delteke hittil, men har lyst å vinne sko, kan ein delta i minst eitt av løpa som står att denne sesongen, eksempelvis vinterkarusellen i Ålesund 9.november eller 14. desember. Eller vinterkarusellen på Hareid, fyrste helga i desember.  Eller tidleg påmelding  i Ålesund Nyttårsmaraton (distansane 5 km, 10 km, halv- og heilmaraton), som også gir gratisbillett inn i trekninga (arr 29.desember)

Trekkinga finn stad like før jul. Så får vinnaren, med hjelp av Espen, kjennskap til kva skotyper Løplabbet Bergen har i vinnaren sin storleik. Velledalen IL sponsar så den summen som Løplabbet Bergen skal ha, slik at skovinnaren slepp betale ei einaste krone.