Juleavslutning for idrettsskulen

Torsdag 28.november hadde idrettsskulen avslutning før vi no tek juleferie i desember. Vi har i løpet av hausten hatt ulike aktivitetar for gjengen som er med i frå 1.-3.klasse. Vi startar opp igjen i haust med litt bli kjend-aktivitetar. Deretter hadde vi ein periode med leikprega friidrett der ungane fekk øve seg innanfor løp, hopp og kast. Når haustmørket etterkvart kom, flytta vi oss inn i Velledalen symjehall. Her hadde vi fem gode veker i bassenget. 

I kveld avslutta vi altså dette halvåret. Vêret viste seg frå si beste side, og vi kunne nyte kvelden utandørs med heilt stjerneklar himmel. Borna fekk prøve seg på refleksorientering, og hadde med seg hovudlykt eller lommelykt. På kvar post hadde vi hengt opp eit quizspørsmål dei skulle finne svaret på. Når dei var ferdige med runden, fekk alle ein velfortjent premie. Vi avslutta kvelden med kveldsmat, og dei som ville kunne grille. 

Idrettsskulen startar opp att i januar. Kva aktivitet vi byrjar med då er litt vêravhengig. Vi kryssar fingrane for gode skiforhold! 

Mari, Torild, Hege og Ann-Helen