Ingrid ny trimpost-dronning. 421 turar siste år.
Postet av Atle Jomar Hole den 30. Nov 2024
Her kjem den fullstendige topp-10 samanlagt-lista for Velledalen IL sine 15 trimpostar siste år.
Gratulerer til Ingrid Brudevoll!!
Samanlagtvinnar med 421 turar og 2413 poeng siste år. Altså kring 1,15 tur kvar einaste dag i året, uansett vêr og føre. Det er fritt fram å prøve.
Brøvoll hadde ein stor idrettsutøvar i Bjørn Asle Lade på 1960-og fyrste del av 70-talet. Men han kom frå øvre Brøvoll. Ser vi på nedre Brøvoll, der Ingrid høyrer til, må vi tilbake til 1967 for å finne ein tilsvarande prestasjon. Då vart Asle Myhre nummer 3 i KM (kretsmeisterskap) i klasse G 12 med tida 22.45.
Ingrid Brudevoll har vore i tetsjiktet samanlagt siste åra. Difor kom ikkje prestasjonen som ei bombe. Meir som ei fortent påskjønning for iherdig iver i all slags vêr. Her er lista over Ingrid sine turar:
190 turar til skogsvegen Hjorthol
116 turar til Koppen
56 turar til Myrdalsfjellet
22 turar til Brunstadsætra
19 turar til Vellesætra
11 turar i Holemarka
2 turar til Brunstadkølen
1 tur til skogsvegen Drabløs, skogsvegen Straumsheim, skogsvegen Fet, Bruna og Regndalen
0 til Holetindane, Høgsætra Fet og Riksheimdalen
Samla 421 turar og 2413 poeng.
Topp-10 trimpostar samanlagt oktober 2023 til oktober 2024:
- Ingrid Brudevoll 2413 poeng – 421 turar
- Ingunn Hole Hunnes 2293 poeng – 339 turar
- Inger Riksheim 2142 poeng – 306 turar
- Inger Fet 2012 poeng – 307 turar
- Elling Hole 1694 poeng – 221 turar
- Anita Hjorthol 1610 poeng – 296 turar
- Nils Terje Skylstad 1505 poeng – 265 turar
- Inger Anne Brunstad 1428 poeng – 313 turar
- Einar Fet 1381 poeng – 376 turar
- Bård Erstad 1295 poeng – 185 turar
Like ved: Ruth Kalvatn 1288 poeng
Kommentarer
Logg inn for å skrive en kommentar.