Bravo Ingeborg Skogen – vann o-løp i Notodden!

Takka vere Pernille har Velledalen IL gode o-løparar både her og der.

Ingeborg Skogen bur i Volda, men representerer Velledalen IL. Nyleg deltok ho i eit løp i Notodden, der ho gjekk heilt til topps i ei svært jamn kvinneklasse.

Resultat klasse A – dame kort:

1. Ingeborg Skogen, Velledalen IL, 38.09
2. Ingrid Olsen Haugen, Notodden OL, 38.17
3. Randi Mork, Notodden OL, 38.30
4. Emma Engehult, Notodden OL, 39.12
5. Kristin Sandven, Notodden OL, 40.07
6. Sølvi Fossøy, Eiker OL, 40.37
7. Heidi Schatvet, Notodden OL, 40,57
8. Anne Lene Tørdal, Notodden OL, 41,42

I ein kommentar til Nettsida skriv Pernille Ibsen Lervåg:

• Det er bra at vi har o-løpere som kan representere oss litt rundt omkring, og vinne til og med!

Vi seier oss 100 prosent samde med Pernille i den kommentaren.

Og dermed vert Ingeborg Skogen løpar nummer 74 som har representert Velledalen IL denne sesongen utanfor Sykkylven (heimkommunen). Slik vert ho med i trekninga av eit par gode løpssko frå Løplabbet i Bergen, trekt under Idrettsgallaen sundag 29.desember.

NB: Hugs idrettsgallaen sundag 29.desember klokka 18.00. Påmelding til Alf Petter Bøe, Frode Mauren eller Bjørn Arve Brune. Pris kr 50 for born, 100,- for vaksne og 200,- for familie

Program: Pizza, kaker, brus og kaffi. Prisutdelingar. Foto frå Idrettsåret 2024. Songinnslag Anette Fet. Og den store overraskinga; kanskje kjem «kongen» - ikkje han som heiter Harald, men Sondre