6X1000 meter på VIL-karane i dag

Løparane våre med fellestrening med Straumgjerde som base i dag.

Sju løparar var på plass til føremiddagsøkta laurdag 18.januar. Alle menn. Friidrettsleiar AP Bøe melder om desse namna:

Bjørn Arve Brune, Fridtjof Fredriksen, Alf Petter Bøe, Per Inge Bjørnestad, Frode Mauren, Frank Andersen og Sivert Nakken. Altså fem mann over 50 år.

På programmet stod 6 X 1000 meter, etter vegen utover mot Sørestranda. Ganske så flatt og lite trafikk.

Strava-kommentar Bjørn Arve Brune, klasse M 60-64:

• 6 X 1000 med Velledalen IL. Ca 4.30-fart på draga. 90 sekund pause. Kjekk og sosial økt med 7 stk frå VIL-gjengen.

Det har tydelegvis vore fri fart. Per Inge Bjørnestad, klasse M 50-54, skriv på Strava:

• Riksheimgjerdet-intervallar med ein finfin VIL-gjeng. Opp 2 km. 6 X 1000 meter (5 stk a 3.45 og 1 stk a 3.30) Ned 1 km.

Neste karuselløp i Ålesund (det fjerde denne sesongen) går 8.februar. Der har friidrettsleiar Bøe håp om at i alle fall Marita B Andreassen kan vere tilbake på spinnesida, etter eit lengre rygg-trøbbel opphald.

Før den tid (7.februar) er det venta at Velledalen IL vert representert på 10 km innandørs (Bislett) i Oslo. Av kor mange er uvisst.