Seks frå Velledalen IL påmelde til Birken-25

Foto frå 2022

Og talet kan stige fram mot rennstart på Rena 15.mars.

Svært gledeleg med seks påmelde frå Velledalen IL hittil. Så mange har ein sjeldan vore til start i dette storrennet

Her er namna og kva klasse dei går i:

Andreas Nakken, M 20

Vegard Riksheim Tandstad, M 35

Øystein Vikingsen Fauske, M 45

Øystein Bakke, M 50

Fridtjof Fredriksen, M 55

Svein Arne Nakken, M 55

Det kan fort gjort bli fleire. Kjell Magnar er ein aktuell kandidat og det same er Constantin Rust. Sistnemnde underkastar seg enorme mengder staking i Oslo-området, og kan vere truande til å vere mellom dei som stakar heile distansen. Og det kan trenast mykje og godt fram til 15.mars.

Fire av VIL-løparane har «seeding» mellom startpulje 4 -8.

Vegard Riksheim Tandstad og Øystein Bakke har førebels ikkje «seeding», noko som kan skaffast ved å stille i eit av mange «seedingsrenn» utover vinteren.

I Nyss sitt dekningsområde finn ein i alt 11 påmelde - alle menn.