Telenor/Fjellsætercup: Tillyst renn 2.februar avlyst

Det har kome litt snø i høgda, men ikkje nok til at trakkemaskina vert løyst.

Langrennsleiar i Velledalen IL, Svein Arne Nakken, er på tråden til nettsida:

• Eg har vore i kontakt med herr Overå, trakkemaskinsjef i Sunnmørsalpane, og han seier at trakkemaskina ikkje vert løyst under dei snøforholda som er på fjellet no.
• Det betyr at det tillyste rennet i klassisk stil sundag 2.februar må gå ut.
• Som arrangør er vi sjølvsagt leie for dette, men det ligg ikkje i vår makt å gjere noko med det.

Svein Arne seier vidare at dei to neste renna – som etter planen skal arrangerast 16.februar (Barnas Fjellsæterrunde) og 22. februar (tredje rennet i langrennscupen), vert avvikla så sant forholda tillet det. Og han minner om at det er greie forhold for trening på Strandafjellet, med nær ei mil oppkøyrde løyper.

Så akkurat denne vinteren får strandarane godt betalt for at dei ligg kring 100 meter høgare over havet enn løypene på Fjellsætra.