Fleire løp med VIL-deltaking komande helg

Vi har fått melding om at det vert VIL-deltaking også i Baksjøløpet

Då skal vi til Kongsvinger-traktane, og eit løp som fyrste gong vart arrangert i 1981. Altså eit løp med lange tradisjonar. Distansen er 11 km, delvis på grus, delvis på asfalt, vert det meldt.

Her stiller Roger Malvin Hole og dottera Oda Alette Hole. Vi ynskjer lukke til!

Vidare er det klart at Bjørn Arve Brune har ”hoppa av» halvmaraton-distansen i Bergen og spring i staden same distanse i Romsdal under Romsdal 5/10/ halv. Friidrettsleiar Alf Petter Bøe seier at han reknar med Stian Hole og Tom Audun Rossland Knutsen stiller på same distanse. Når det gjeld Sentrumsløpet i Oslo har Anders Wigdahl der fått selskap av Njål Torillson Tyssing på startlista for distansen 10 km.

Det vert nok litt fram og tilbake fram mot løpsdagane komande laurdag og sundag, men det viktigaste er at ALLE RESULTAT kjem på nettsida i løpet av helga. På heimebane vert uansett MiniKonrad høgdepunktet for helga.