Hornindalsvatnet Maraton 2025

Fint arrangement som hadde fortent større deltaking.

Velledalen IL hadde med seks deltakarar i Hornindal. Eigentleg burde det vore fleire. For Hornindal sitt arrangement er mellom dei beste lokalt. Ikkje minst eit stort pluss for at dei tek seg råd til å premiere alle klassevinnarar (i tillegg til medaljar), noko eit fåtal arrangørar gjer i våre dagar. Velledalen IL fekk tre slike i dag, gjennom innsatsen til Hilmar, Bjørn Arve og Ludvig.

Her er tala over dei fullførande i Hornindal, 26.juli 2025:

Heilmaraton: 13

Halvmaraton: 41

10 km: 42

Minimaraton trim: 28 – her hadde Velledalen IL med Ivar Arne Flo

Minimaraton tidtaking: 22

SUM: 146 fullførande deltakarar – av desse representerte altså seks menn Velledalen IL. Diverre ingen kvinner denne gongen.

Ekstra honnør: Til Ivar Arne Flo, som har fullført ti heilmaraton i Hornindal i yngre dagar. No er Ivar framleis ein sprek mann, trass i at han har passert 80 år. Han held seg i form gjennom aktiv turgåing, og så sant han har høve, deltek han i minimaraton trim i Hornindal, saman med ei rekke likesinna som til dagleg opererer i pensjonistane sine rekkjer. Det er fullt mogleg for fleire å gjere som Ivar Arne Flo ved neste korsveg i Hornindal. Ein anna kar som fullførte same distanse er maraton-legenda, Inge Asbjørn Haugen, (flest heilmaraton i kongeriket), som bad oss helse til alle kjende. Det er hermed gjort.

Og «vel blåst» til Hornindal IL som med tre vekers mellomrom har arrangert Hornindal Rundt og Hornindalsvatnet Maraton!!