OCR-NM: Anette 13 sekund unna medalje

 Arkivfoto

Anette Heimli Jokstad kom i føremiddag på 4.plass i klasse kvinner elite.

På meldestasjon 1, låg Anette på 5.plass, nøyaktig minuttet bak leiaren. På meldestasjon 2, var plasseringa nummer fire, men no var ho 1.02 minutt bak kvinna på tredje plass, Katrine Barli Evensen. Men det gledelege for Anette , er at frå meldestasjon 2 til mål var ho nest best. Det vert snakka mykje om den sure 4.plassen, og i dag var Anette sin tur å hamne der. 41 sekund bak sølv-tida og 13 sekund bak bronsemedaljen etter ei konkurransetid på over 52 minutt – då er ho nær, om det kan vere ei trøyst. Men uansett solid framgang etter eit langt skadeavbrot – ho er så godt som tilbake!

Resultat frå Nannestad, OCR-NM klasse kvinner elite:

1. Signy Karoline Kolstø, Sp Vidar, 48.58
2. Katrine Haaland Leveraas, Gjesdal IL, 51.45
3. Katrine Barli Evensen, Midgard, 52.13
4. Anette Heimli Jokstad, Velledalen IL, 52.26
5. Adna Tahirovic, Nannestad IL, 57.50
6. Toril Egner, Midgard, 1.05.21
7. Katrine Prestvold, GTI Friidrett, 1.08.50
8. Sandra B. L. Bertelli, Midgard, 1.10.59
9. Hilde Trageton, Midgard, 1.17.42
10. Line Elise Ringkilen, Midgard, 1.19.51

Samla kan vi ikkje anna enn vere svært nøgde med NM-innsatsen til OCR-paret vårt.

6.plass til Nikolai i klasse herrar elite.

4. plass til Anette i klasse kvinner elite – eit stykke bak gullet, men ho kan ta med at ho slo sølv-vinnaren med nær 30 sekund frå meldestasjon 2 til mål, og bronsevinnaren slo ho med 49 sekund på same distanse. Så avslutninga Anette, den var av prima kvalitet!