Constantin vann «FantasyMila» i Bærum

Arkivfoto

Sjå resultata frå FantasyMila i Bærum Idrettspark laurdag 16.august

Sist helg sette Constantin Moses Rust ny personleg rekord under Stranda Fjord Trail Race sin 48 km. Meir enn ti minutt raskare enn i 2024, og nummer to totalt på distansen. Konkurransetid i overkant av seks timar. Når han veka etter dette stiller til start i 10 000 meter baneløp, veit alle som har drive i faget at  då er han ikkje på topp. Då er ikkje batteria full-lada. Men alle som kjenner Constantin veit at han er ingen vanleg A4-løpar.

Her er resultata, FantasyMila, Bærum Idrettspark

10 000 meter bane, laurdag 16.august 2025 (140 fullførande):

1. Constantin Rust, Velledalen IL, 32.19
2. Henrik Vik Tolo, Løplabbet, 32.22
3. Martin W. Vedeld Ås IL, 33.14
4. Bjørnar Tho, Norge, 33.48
5. Martin Kjäll-Ohlsson, SK Vidar, 33.49
6. Erik Haavardsholm, Team Milslukern, 33.58
7. Joachim Huse, Norge, 34.15
8. Anders Emil Nedrebø, Barken IF, 34.56
9. Håkon Næss, Norge, 35.20
10. Stian Løkke Øvrebø, Norge, 35.22

58. Håkon Tvervaag, Gullhella Runners, 38.55

Sistemann på lista tok vi med sidan vi går ut frå at det dreier seg om son til Arne Tvervaag, KM-vinnar for Velledalen IL i lengde utan tilløp i 1960 (og ein kar som seinare hoppa 3,71 meter i same grein). Arne døydde sist vinter.

Strava-kommentar frå Constantin – FantasyMila 32.19:

• 16.30/15.49. planen var bare kjenne litt etter ka beina var keen på 7 dager etter SFTR. Så starta veldig kontrollert første 4. Et godt stykke unna all out, men måtte jobbe for seieren!

Lita presisering:

Det Constantin opnar med, 16.30/15.49, er det ikkje sikkert alle skjønar. Men det betyr at han brukte 16.30 på fyrste 5000 meter og 15.49 på siste. Tal som indikerer at mannen har meir inne!