Velledalen IL-arrangement siste halvdel 2025

Merk av i kalenderen for aktuelle Velledalen IL-arrangement!

Her kjem ei lita oversikt over Velledalen IL sine største arrangement i perioden 20.aug-31.des:

24.aug: TRIMBINGO TIL MYRDALSSÆTRA. Sal av bingolappar ved tidlegare Lade Møbelfabrikk i tidsrommet 13.00-14.00. På sætra vert det sjekk av bingokupongar, sal av pølser m.brød, kaker, kaffi & brus. Normal gangtid frå Lade: 40-60 min. Kontaktperson: Bjørg Frøystad Hole.

6.og 7.sept: O-SAMLING OG LØP. Den tradisjonelle haustsamlinga i orientering vert avvikla denne helga, og avslutta med løp (mellomdistanse) sundag 7.september. Påmelding til Eventor (terminlista).

Løpsleiar, løpsleggjar og kontaktperson er: Pernille Ibsen Lervåg – tlf 410 87 093, e-post:pernille.lervag@gmail.com

27.sept: SØRESTRANDMILA. Start/mål industriområdet i Straumgjerde. Distansar: 3 km, 5 km og 10 km (2x5km). Flate, kontrollmålte og godkjende løyper. Medalje til alle fullførande.

Påmelding gjennom eq-timing. Kontaktpersonar: Alf Petter Bøe/Susan Gjerde

8. og 9.nov: FØRJULSMESSE I VELLEDALEN GRENDAHUS. Påmelding til:forjulsmesse@gmail.com. Meld frå ved påmelding om produkt du ynskjer stille med, kor stor borpass du treng og om du ynskjer 1 eller 2 dagar. Kontaktperson: Myriam Van Wunsel.

26.des: ROMJULSMARSJ. Ein tradisjon Velledalen IL har ført vidare frå 1979. Registrering i Velledalen grendahus, der det også vert sal av mat og drikke. Også trekning av premiar mellom dei frammøtte. Kontaktperson: Bjørg Frøystad Hole (trimgruppa i Velledalen IL).

Det kan kome til fleire arrangement, og det vil kome meir informasjon på nettsida når dei ulike tilskipingane nærmar seg. Men altså; fyrstkomande sundag sluttar vi opp om trimbingo til Myrdalssætra under kategorien: Sosial tidtrøyte.