Sognefjord Trail Run: May Evy og Ola Aage var der

Fine prestasjonar av begge – May Evy klassevinnar i K 50-54

Denne stormønstringa ved Sognefjorden har tre løps-alternativ: 13 km, halvmaraton og heilmaraton. Her går det både oppover og nedover ute i terrenget, så dette kan ikkje samanliknast med ein halvmaraton etter veg.

May Evy tok kortaste alternativet denne gongen. Og som mange gonger tidlegare vann ho klasse K 50-54, på tida 2.03.31. Beste kvinne på denne distansen vart Bodil Ryste, Gaular IL på 1.52.07 i K 45-49). Uansett klasse vart May Evy nummer tre av alle kvinner og nummer 11 uansett kjønn. 58 utøvarar fullførte løpet over 13 km. May Evy var naturleg nok godt nøgd med prestasjonen og skreiv fylgjande på Strava:

Sognefjord Trail Run: Tid 2.03.31

• Fy søren, dette var gøy! Sjølv med litt feil-løping siste biten nedatt holdt det til 3.plass! Nøgde både med farta opp og ned, kanskje spesielt nedover. I dag holdt beina bra. Fantastisk utsikt og sti, og proft arrangement!

Ola Aage kasta seg på distansen halvmaraton. Her var deltakinga langt større med 240 fullførande. Totalt vart vår mann nummer 95 av desse, men ein sterk åttande plass i klasse M 50-54, på tida 3.09.42. Ola Aage sin Strava-kommentar lyder slik:

STR 2025 – Halvmaraton:

• FANTASTISKE stia. Beste så langt! Pill råta form (bags i kroppen), så dumt å delta..? Veit svaret i morga. Blytung trasé. Konstant opp- eller nedover.

Med andre ord; svært gode prestasjonar av Nesheim-tvillingane i eit løp heller få frå vår klubb har prøvt – men kanskje bør prøve….?