Slik vart den nye friidrettsgruppa i Velledalen IL

Stort sett attval over heile lina

Siste åra har løpsmiljøet som sorterer under friidrettsgruppa i Velledalen IL hatt særs god vind i segla. Personane som skal ha ansvaret i 2026 ber desse namna:

Alf Petter Bøe

Bjørn Arve Brune

Frank Andersen

Frode Mauren

Henning Tandstad

Susan Gjerde

Vegard Tandstad

Alf Petter Bøe har vore leiar i Velledalen IL si friidrettsgruppe i 14 år. No takkar han av som leiar, men held fram som medlem i gruppa. Vi reknar med at ny leiar i gruppa er på plass om kort tid, sidan store arrangement står for døra. Siste «embetshandlinga» til Alf Petter var å dele ut premien til Ole Robert Strømme som «Årets Nykomar « i 2025. Den handlinga fann stad på Ikornnes Idrettspark laurdag 21.mars i samband med VIL-treninga der.

Kven som blir Alf Petter sin etterfylgjar som leiar i Velledalen IL friidrett, vert sett på som eit ope spørsmål.