Bergen City Maraton: Stian nr 11 i M 50-54

 Arkivfoto frå Påskekonrad 2026

Hermann Furland sprang heilmaraton på 4.26.11

Vi er ikkje sikre, men trur Hermann Furland var debutant på heilmaraton. Ein tøff stad å debutere, men heilt sikkert nyttig for Hermann som er påmeld lengste distanse (95 km) under Stranda Fjord Trail Race komande sommar. Berre heilt mot slutten steig km-tida ein grand, elles solid gjennomført.

LITT OM DEI ULIKE AKTØRANE I BERGEN:

HEILMARATON:

Hermann Furland, Velledalen IL, 4.26.11 – nr 437 av 587 startande i M 23-34

HALVMARATON:

Tomas Tandstad, Velledalen IL, 1.55.26 – nr 543 av 876 i klasse M 35-39. Eller enno meir imponerande nr 4896 på halvmaraton av totalt 10733 startande. Det skal ein debutant vere nøgd med.

Marte Langlo, Velledalen IL, 2.11.33 – ny pers. Nummer  286 av 515 i K 35-39. Totalt slo ho nesten 3000 av deltakarane på halvmaraton. Solid gjennomføring!

Jørn Strømmegjerde, Noteam, 2.03.12 – nr  667 av 876 startande i M 35-39.

Stian Hole, Velledalen IL, 1.28.25 – nr 11 i klasse M 50-54, ei plassering han hadde på alle meldestasjonar. Nær eigen pers, som han tar kva dag som helst i ei lettare løype.

BARNELØP: Tea Tandstad, Velledalen IL, 11.25 på 2 km. På grunn av ung alder vert ikkje plassering gitt opp.

STRAVA-KOMMENTAR, Bergen City Maraton, STIAN HOLE:

• Offisiell tid 1.28.25. Godt fornøgd i ei tøff løype. Ser ut for at eg er i rute.

STRAVA-KOMMENTAR MARTE LANGLO:

• Gjekk over all forventning. Veldig gøy med super stemning i byen og supersnille Cecilie T som sprang i lag med meg. 10 av 10 bortsett frå ein legg som klikka og gnagsår under foten.
• No e det rett på spa.