Viktigaste løpet i helga: Løp for psykisk helse

 Arkivfoto, frå sist arr.

Støtt løpet til vår eigen Hilmar Kråkenes i Måløy.

Det er dei færraste som har sitt eige løp. Konrad Brunstad fekk det etter sin eigen bortgang, Hilmar Kråkenes har skapte det sjølv medan han er i sin beste alder.

30.mai er datoen for eit dagsarrangement i Måløy med sju km lange etappar gjennom dagen (med start kvar heile time), der ein er med så lenge ein vil – og når ein vil i løpet av dagen. Maks distanse for kvar deltakar vert drygt 80 km, men dei fleste vil nøye seg med langt kortare strekning. Dei som kjenner til Backyard -konseptet, skjønar raskt kva dette dreier seg om.

Arrangementet har ein spleis for innsamling, nummererte medaljar og oppmodar til openheit og dialog kring psykisk helse.

Gå inn på: Lett på foten

Eller kontakt Hilmar Kråkenes sjølv: 970 15 052 – hilmar1978@hotmail.com

I 2025 gav Hilmar sitt løp kring 30 000 kroner til Psykisk helse. Pengane går i heilskap til tiltak i lokalmiljøet.

Camilla Moen, 17.mai-talar i Velledalen i 2026, slo også eit slag for psykisk helse i talen sin. Eit tema som lett vert under-kommunisert, men som fleire enn vi anar er råka av på eit eller anna vis, sa ho mellom anna.

Nettsida til Velledalen IL oppmodar VIL-medlem og andre om å støtte Hilmar sitt løp,  og ikkje minst spleisen for psykisk helse.