Molde 7 topper: Svært gledeleg – Kjell Magnar tilbake!

Dagen før dagen kan Molde 7 topper slå i bordet med 600 deltakarar.

600 er total-talet påmelde, medrekna trim og konkurranse. Velledalen IL har med to sterke kort på lengste distansen, nemleg Kjell Magnar Berli (M 30-39) og Sverre Kjerpeset (M 40-49).

Sverre var gjennom ei tøff prøve sist helg, der han fekk med seg bronsemedalje frå KM-halvmaraton på Vartdal. Sju dagar seinare er han altså på plass i Molde, til ei enno tøffare prøve. Der får han selskap av Kjell Magnar Berli som har imponert med topp-plasseringar i dette løpet tidlegare. Siste tida har Kjell Magnar hatt ei konkurransepause. Vi tipper han stiller full-lada, og at han yter litt ekstra for Henriette denne gongen, systera som han nyleg miste.

Kjell Magnar stiller i klasse M 30-39, der det fredag 29.mai klokka 15.30 var 111 påmelde

Sverre stiller i klasse M 40-49, ei klasse med 58 påmelde 29.mai klokka 15.30

Løpsstart for Molde 7 topper er klokka 11.00