Velledalen IL: ferietid betyr ikkje latmannsliv

Stor aktivitet på nær sagt alle frontar i ferien.

KOMANDE DAGANE:

Sist sundag arrangerte trimgruppa ei vellukka sosial samkome på Brunstadsætra med godt frammøte.

I dag spring Sverre Kjerpeset (og kanskje fleire) eit 3000 meter baneløp i samband med Molde Jazz.

I morgon går andre løpet i Ålesund Sommerkarusell av stabelen i Spjelkavik, ganske så sikkert med VIL-deltaking.

Laurdag 18.juli vert Mefjellet Opp arrangert av Valldal IL med start i Fjørå. Her er Ole Martin Korsnes påmeld.

Same dag vert «Norges Vakraste halvmaraton» arrangert på Smøla. Her stiller Alastair Brunton på halvmaraton frå VIL.

KLUBBGENSER:

Sommarvarme av betydning har vi hittil ikkje hatt. Men det er likevel i tidlegaste laget å byrja tenkje på jamleg bruk av strikka-genser. Likevel; komande tysdag vert eit utkast av klubbgenser for Velledalen IL lansert her på nettsida. Produktet er skapt og strikka lokalt. Om den vil slå an står att å sjå, men nettsida har trua.

TID FOR HELSINGAR:

Nettsida set pris på sommarhelsingar. Send inn, folkens (atlehole@online.no) – 917 43 761

Dei treng ikkje vere sportsleg relaterte… Det kan vere ein vakker stad du har besøkt, noko du har opplevd i ferien. Ja, innhaldet er ikkje det viktigaste.

PAR FRÅ KONGSBERG:

Sommarhelsinga i dag kjem frå Roger Vanebo og Elisabeth Hetlevik. Allsidig par som bur i Kongsberg, men har hytte i Ladalen. Begge spreke for alderen, der dei held seg i form med landevegsløp og orientering. Roger også med triathlon. Paret ser fram til å treffe ein stor flokk VIL-utøvarar under BMW Oslo Maraton og Hytteplanmila til hausten