Resultat 5 km, Sørestrandmila

5 km var det klart mest populære distansen med 17 fullførande.

Resultat 5 km Sørestrandmila, arrangert av Velledalen IL laurdag 31.mai 2025:

K 35-39:

Gulay Kar, Sykkylven, 25.10

K 50-54:

May Evy Nesheim, Velledalen IL, 20.47

Marita Bjørkelid Andreassen, Sykkylven. 23.32

K 60-64:

Anita Holmberg, Velledalen IL, 30.56

M 11-12:

Erling Johannes Tandstad, Velledalen IL, 22.24

Aleksander Tandstad, Velledalen IL, 32.11

M 15-17:

Jone Schmidt Breivik, Velledalen IL/Jaktevika Tinderangling 20.41

M 23-34:

Eirik Vadset, Tregardane, 24.02

M 35-39:

Ole Robert Strømme, Velledalen IL, 17.21

Jørn Strømmegjerde, Sykkylven, 24.42

M 40-44:

Jo Andre Tandstad, Velledalen IL, 32.12

M 45-49:

Karl Idar Vik, Syvde IL, 16.49

Stian Mork, Velledalen IL, 18.37

Øystein Fauske, Velledalen IL, 20.31

M 50-54:

Ole André Lukkedal, Ørskog IL 16.56

Frode Mauren, Velledalen IL, 18.42

Ludvig With, Velledalen IL, 20.34

KOMMENTAR:

5 km-traséen har vending like før stigninga opp mot Riksheim bru. Heldig for løparane som dermed har ei ganske så flat løype. At løypa er rask fekk vi stadfesta i 5 km feltet. Når politimannen Karl Idar Vik, frå Syvde IL, som har sprunge løp på godt nivå i maaaange år, set personleg rekord nettopp her (16.49), treng ein ikkje etterforsking for å slå fast at løypa er rask. Eller når Ludvig With set ny personleg rekord for Velledalen IL. Eller når Ole Robert Strømme spring meir enn halvminuttet raskare her enn han gjorde på same distanse under Åndalsnesløpet. May Evy Nesheim leverte beste kvinnetid (20.47) av ein løpar frå Velledalen IL hittil i sesongen, og ei sterk tid også nasjonalt i klasse K 50-54. Det same må seiast om Ola André Lukkedal sine 16.56 i M 50-54 – høg nasjonal klasse! Så var det kjekt å sjå ungguten Erling Johannes Tandstad sitt lette, fine steg. Han får vi høyre meir om. Med besteforeldre nær trasén vert han truleg ein flittig formtestar. Vi registrerte óg at Marita Bjørkelid Andreassen heldt høgare snittfart under Sørestrandmila enn under Konradløpet. Stor takk til alle andre namna på resultatlista. Alle som ein var med å løfta løpet. Tidtakinga fungerte som den skal, og neste gong kan Velledalen IL arrangere eit krem-arrangement her – utan digre hol i traséen, med speakerteneste, betre premiering og leige av ungdomshuset like ved slik at løparane har fasilitetar for toalett og ymse anna. Kanskje ein gratis kaffi og eit kakestykke etter endt dyst… Velkomen tilbake til unge (yngstemann godt under 10) og eldre (eldste deltakar 64 år)!!!