Gladmelding: Sivert og Andreas påmelde NM i Farsund

 arkivfoto

Laurdag 30.mai er dagen; då spring Sivert og Andreas Nakken NM halvmaraton i Farsund.

Svært gledeleg med alle NM der Velledalen IL er representerte. Årets NM i halvmaraton er lagt til Farsund, ein stad der Gyls-tvillingane faktisk har sprunge mange gonger tidlegare. Farsund er nemleg «heimebana» til mor deira, Anita Mosby Nakken. Men det er fyrste gongen Sivert og Andreas stiller i den tøffaste klassen, kalla Menn Senior.

Løpshelga i Farsund, under samlenemninga Farsund Maraton 2026, omfattar mykje:

Heilmaraton

NM Halvmaraton

Halvmaraton Mosjon

Farsund-mila

Halvmila

Barneløp

Stafett

Om morgonen 17 mai hadde den samla løpshelga i Farsund 706 påmelde. NM halvmaraton hadde 188. Desse tala vil nok stige fram mot arrangementsdatoen, 30.mai.

Og akkurat 30.mai vil nok mange VIL-aktive vere i aksjon. Kanskje vert familien Nakken åleine i Farsund, men same dato vert Sørestrand-mila arrangert her lokalt. Her skal mange VIL-folk i aksjon både som løparar og funksjonærar. I tillegg vert Molde 7 topper arrangert same data, fort gjort også der med VIL-deltaking. Dette i tillegg til eit stort tal løp spreidde utover heile kongeriket.