Orientering: Landsleiren (31.juli-5.august) nærmar seg

340 påmelde. Tre av dei representerer Velledalen IL.

O-landsleiren i orientering er i år lagt til Oslo. I forlengelsen av Norway Cup i fotball, som gjer at mange skal til Oslo likevel denne tida. Arrangøren, Nydalens SK, har i skrivande stund 340 påmelde til leiren. Frå Møre og Romsdal er fylgjande klubbar representerte:

Emblem IL med 9 påmelde

Molde og Omegn IF med 3 påmelde

Velledalen IL med 3 påmelde

Frå Velledalen IL deltek: Sofie Fløttum Fauske, Sigurd Ringdal Linga og Mikkel Ibsen Lervåg.

Vi tek også med at Adrian Edward Maximilian Ringdal (slekt i Sykkylven) representerer Haugesund IL.

Løpa under leiren vert kalla «Hovudløp» og er å rekne som eit ungdoms-NM, der dei beste frå heile landet stort sett er med:

Laurdag 1.aug: Hovudløp lang – 282 påmelde

Sundag 2.aug: Hovudløp sprint – 286 påmelde

Onsdag 5.aug: Kretsstafett

Vidare nemner vi at under langdistanseløpet spring Mikkel i klasse H 15, Sofie i klasse D14-16,kort og Sigurd i klasse H 14-16, kort.

Under sprinten spring Sofie i klasse D 15, Mikkel og Sigurd begge i klasse H 15.

Velledalen IL har aldri tidlegare hatt tre deltakarar på Landsleir i orientering, sjølv om soga i år er 120 år lang. Ei fin fjør i hatten til dei som har stått i bresjen!