Komande helg: Jordbærdilten og Hornindalsvatnet Maraton

Arkivfoto.

Begge løpa vert arrangert 25.juli – vi reknar med VIL-deltaking begge stadar.

For mange er det ferietid, men aktiviteten går sin gang. I Valldal vert den tradisjonsrike Jordbærdilten på 3,2 km arrangert laurdag 25.juli. Arrangør er Valldal IL og  klasseinndelinga i løpet er slik:

Gutar 15 år og yngre

Jenter 15 år og yngre

Menn 16 år og eldre

Kvinner 16 år og eldre.

Løpet har start/mål i Valldal sentrum, med fellesstart klokka 11.45. Tyngda av løparane plar melde seg på løpsdagen. 22.juli klokka 17.30 hadde løpet ni påmelde. Ingen av desse kom frå Velledalen IL, men vi reknar med laget vårt vert representert i Valldal.

Hornindalsvatnet Maraton vert arrangert same dag, nemleg 25.juli. Her er distansane:

4,2 km med og utan tidtaking

10 km

Halvmaraton

Heilmaraton.

Løpet har Hornindal Idrettspark som base, vert arrangert av Hornindal IL med desse starttidspunkta:

Miniton (4,2 km) klokka 10.40

Heilmaraton klokka 11.00

Halvmaraton klokka 11.30

10 km klokka 12.00

Løpet i Hornindal hadde 72 påmelde onsdag ettermiddag klokka 17.30. Mellom desse var Ivar Arne Flo frå Velledalen IL på miniton, men vi reknar med at vi blir fleire.