VM OCR-HINDERLØP: Anette nummer 30 på kortdistansen

Lader opp til 12 km-løpet i morgon

Det største denne idrettshelga er VM i OCR hinderløp i Irland, der Velledalen IL er representert ved Anette Heimli Jokstad. Sambuar Nikolai Handle Jensen har diverre fått sesongen spolert av skade, og stiller difor ikkje til start denne gongen.

I dag vart løpet i "short course" arrangert. Det vart ikkje full klaff for Anette, men tok seg greitt gjennom løypa på tida 21.29, som heldt til ein 30.plass i den harde konkurransen. På STRAVA skriv Anette fylgjande om løpet:

    - Løpsmessig godkjent, men manglet hinderflyt. En miss før mål i tillegg. Så totalt sett skulle det gjerne gått bedre. Lader opp til 12 km i morra!

Vi nemner også at på segmentet "Startsprint Whoop Whopp" tok Anette ei fin plassering som nummer 8.