Hodlekve Rundt 2026: Malin Ringset Skage påmeld

Ho stiller i det som heiter «Kvinner lang», ein distanse på 21 km – og 1000 høgdemeter.

VIL sine lesarar har ikkje høyrt om Malin Skage på nokre veker. Det har sine naturlege årsaker. Ho er no installert i Sogndal. Som student. Men komande helg skal ho i aksjon, i eit tøft løp som heiter Hodlekve Rundt. Eit fjell-løp på stiar i Sogndalsdalen.

• Løpet går i flott og variert fjellterreng og skal passe alle som liker ein fin løpetur, står det i førehands-omtalen.

Løpet har to alternativ. Malin spring det lengste. Som er 21 km og 1000 høgdemeter, og går over to fjell. Det kortaste alternativet er kring 10 km langt og har kring 500 høgdemeter.