Hardt VIL-program i adventstida

Førjulsmesse, 120 års makering og julebord tre helgar på rappen. Merk datoane!

Velledalen IL si Førjulsmesse vert i 2026 litt seinare enn normalt, nemleg helga 21. og 22.november. Den vert som vanleg arrangert i Velledalen grendahus, langt på veg etter tradisjonelt opplegg.

Helga etter, 28 november, har det for ei tid sidan vore kunngjort at Velledalen IL skal halde 120 års markering på Orreneset. Hittil sit nettsida på få opplysningar om arrangementet.

Laurdag 5. desember vert suksessen frå i fjor, med felles julebord mellom Edru Livsstil Ålesund og ei gruppering frå Velledalen IL arrangert på Sobra scene i Ålesund. Her vert det stort etargilde med julemat, dessert, kaffi og kaker. Taffelmusikk til maten, underhaldning av Fet Music, Quiz, med meir. Og sjølvsagt det som skil dette frå dei fleste andre julebord; Rusfri drikke.

Merk datoane:

21. og 22.nov: FØRJULSMESSE, VELLEDALEN GRENDAHUS

28.nov: 120 ÅRS JUBILEUM, ORRENESET

  5 des: JULEBORD SOBRA SCENE, ÅLESUND