Sverre Kjerpeset: Trippelen i boks

Einaste VIL-utøvar i 2026 som har gjennomført rennet, løpet og rittet.

Ein skal vere rimeleg allsidig den som skal gjere det Sverre har gjort i 2026. Han uttrykkjer glede, og seier det ganske så dekkande sjølv i ein kommentar til Velledalen IL si nettside:

• Endeleg sat den, og eg kan kalle meg ein ekte Birkebeinar med trippelen fullført. Ski på 54 km i mars, løp på 42 km i juni og no tilslutt sykkel på 84 km. Utruleg stolt over den medaljen her!
• No blir det ein svært travel løpsmånad i september. Men fyrst skal eg nyte denne litt.
• Helsing ein stolt Velledalen IL-løpar

Nettsida kan nemne at Sverre i dag sykla inn til tida 4.46.26 – plasseringa i klasse M 40 kjem vi tilbake til.

Og det skal leggjast til at forholda under Birkebeinerrennet i mars må omtalast som vanskelege, det var svært vått under løpet i juni, og forholda var heller ikkje strøkne i dag. Så alt i alt eit ganske så vanskeleg år å gjere det Sverre har gjort i 2026.

Velledalen IL gratulerer med den flotte prestasjonen!