Hytteplanmila: Velledalen IL størst i Møre & Romsdal

Velledalen IL sin tropp i nærleiken av Hønefoss komande laurdag har 15 utøvarar, nærast fylgjer Rindal IL med tolv.

Hytteplanmila er eit av Norges største landevegsløp på distansen 10 km. Løpet er faktiske det einaste i kongeriket dette året der både Karoline Bjerkeli Grøvdal og Therese Johaug stiller til start - samstundes. Og det er truleg einaste gongen VIL-kvinnene Elisabeth Hetlevik, Susan Gjerde og Anette Jokstad har konkurrert mot begge «essa».

   Eitt av spenningsmomenta vert om Constantin «Speedy Gonsales» Rust, greier slå både Johaug og Bjerkeli Grøvdal. Nettsida trur han gjer det. Og det vil gjere han godt, no som han skal gjennom ei oppkøyring til Valencia maraton (heil) 6.desember.

Velledalen IL sin tropp med startnummer og bestetider sesongen 2026 i parentes:

992: Alf Petter Bøe, M 55-59 (48.10)

1193: Per Inge Bjørnestad, M 55-59 (38.23)

1392: Elisabeth Hetlevik, K 60-64 (inga notering på distansen)

1453: Roger Malvin Hole, M 60-64 (inga notering)

1808: Roger Andre Vanebo, M 60-64 (inga notering)

2275: Frank Andersen, M 35-39 (44.29)

2298: Susan Gjerde, K 50-54 (1.27.00)

2488: Frode Mauren, M 50-54 ( 38.52)

2715: Stian Hole, M 50-54 (inga notering)

2790: Eldar Sindre Valkvæ, M 65-69 (41.25)

2890: Knut Orre, M 50-54 (inga notering)

3078: Anders Westrheim, M 23-34 (33.28)

3381: Njål T. Tyssing, M 40-44 (inga notering)

4807: Anette H. Jokstad, K 35-39 (inga notering)

305: Constantin Moses Rust, M 23-34 (31.00 – klubbrekord for Velledalen IL).

Elles frå Møre og Romsdal nemner vi at gamleklubben til Alf Petter, Rindal IL, har tolv påmelde, Ålesund FIK har tre, Molde Olymp har to, Brattvåg har to og Ørskog IL har Ole André Lukkedal.

Ålesund FIK har trioen Mathias Røsberg Mauren, Bjørn Sether Wastvedt og Ola Valaas Jensen-Skare. Dei kan nok gi Velledalen IL kamp om å ha beste tremannslaget på Sunnmøre, men vil venteleg tape mot Rust, Westrheim og Tyssing.

     Vidare er det venta at Anette Heimli Jokstad vil sette ny bestetid på 10 km kvinner for Velledalen IL sesongen 2026 (47.18) med god margin. Og kva kan Eldar Sindre greie denne gongen…? Han har i 2026 markert seg som ein av dei beste i landet i klasse M 65-69 på alle landevegsdistansar frå 3 km til heilmaraton. Kan han presse bestetida på 10 km ned mot 41.00….?

Vi gjer merksam på at det fram mot start laurdag kan kome endringar på lista over VIL-løparar som skal i aksjon.

Oppdateringane finn ein på nettsida til Velledalen IL.