«Årets Nykomar» til Jakub og Olga
Postet av Velledalen Idrettslag den 11. Jan 2022
Velledalen IL har hatt rekord-mange nykomarar i 2021. Særs gledeleg! Juryen har kome til at prisen skal delast mellom ein mannleg løpar som driv orientering, og ei kvinne som driv løp der ein slepp leite etter retninga. Nemleg Jakob Hejl og Olga Decyk. Begge høyrer til den internasjonale delen av Velledalen IL, der det klaraste fellestrekket er: PÅGANGSMOTET!
Olga sitt fyrste løp for Velledalen IL var Tomasløpet i Straumgjerde. Ikkje så langt, men bratt nok. Og tøft nok. Men Olga tok ikkje skrekken, og har sidan fullført to løp (5 km) i Ålesund Vinterkarusell. Jakub er o-løpar. Rett nok seks år i opplag, før han gjorde comeback i Velledalen IL med å kaste seg ut i langløypa rundt Sessvatnet. Ein treningskveld. Etter dette har det vorte fleire konkurransar for Jakub, som aldri vel det lettaste løps-alternativet. Jakub er for øvrig tredje tsjekkar i Velledalen IL, etter Michael Uhlar (16.34 i Konradløpet) og Radka Vosicka (nærare presentasjon ikkje naudsynt).
Jakub og Olga kan stå som to flotte, og verdige utøvarar, mellom mange nye som har funne seg vel til rette i laget vårt i 2021.
Utmerking vil kome, og Velledalen IL gratulerer prisvinnarane!