Kan ein stole 100 prosent på løypevakter….??
Postet av Velledalen Idrettslag den 4. Okt 2021
Arkivfoto
Ser det har vore mykje action frå
Velledalen IL sine utøverar i helga. Veldig bra, og gratulerer til alle
saman.
Tenkte å nevne at eg og min gode
konkurrent og søskenbarn Jon Fiva tok turen til Norgesløpet på Jessheim for å
springe halvmaraton på laurdag. Det gjekk veldig bra for ein av oss, og veldig
dårleg for den andre.
Jon Fiva tok sigeren i løpet føre
sunnmøringen Olger Pedersen:
https://results.sporthive.com/events/6845369535772327680
Veldig bra, og Jon satte også ny pers
i ein alder av 43 år! Professoren i samfunnsøkonomi fornekter seg ikkje.
For den andre, også kjent som meg,
gjekk det nokså bra fram til ca 20.6 kilometer. Då klarte løypevakta å vinke
meg og tre andre inn i 5 km sløyfa, slik at vi sprang i mål med 20.6 kilometer
i beina. Alle fire blei difor diska, og det bitraste er vel å innsjå at ein
kunne satt ny pers om ein hadde sprunge heile distansen.
Men men, eg fekk ei god økt og
forhåpentlegvis er ein i brukbart driv fram mot maraton om 14 dagar.