Topp-10 trimpostar: Formel-1-utøvarane innan mosjon
Postet av Velledalen Idrettslag den 23. Nov 2020
Vi har då kome til
presentasjonen av dei lokale «Formel-1 utøvarane» innan mosjon og turgåing. Som
før nemnt hadde Velledalen IL sine 14 trimpostar rekordbesøk i 2020. I tillegg
dokumenterer dette VIL-arbeidet at Velledalen/Straumgjerde har utruleg mange turglade,
spreke pensjonistar. I dag skal vi presentere personen som vart nummer ti, og
personen som nesten kom inn på lista; altså personen som fekk den litt sure
11.plassen.
10. Elling Hole (79) – 1764 poeng
Like ved: Alf Petter Bøe (53) – 1735 poeng
Om Elling Hole:
Han vann trimposten på Myrdalsfjellet med 132 turar i 2020. Han er den
einaste inne på topp-10 som har vore på alle 14 trimpostane i løpet av trimåret.
Og han er med sine 79 år den eldste på topp-10 denne sesongen. Han er den
fyrste i historia som har måtte hatt over 1700 poeng for å berge 10-plassen.
Turlista til Elling Hole i perioden oktober 2019 til oktober 2020 er
gild lesnad, inneheld 230 turar, og ser slik ut:
132 turar: Myrdalsfjellet 47 turar: Sætreelva i Holemarka 16 turar: Skogsvegen Hjorthol 10 turar: Koppen 7 turar: Bruna Straumgjerde 4 turar: Brunstadsætra og Regndalen 2 turar: Skogsvegen Drabløs,
skogsvegen Fet og Vellesætra 1 tur: Dammen Riksheimdalen, Høgsætra,
Brunstadkølen og Holetindane
Om «like ved–mannen» Alf
Petter Bøe:
Han vann trimposten på Vellesætra denne sesongen.
Han har vore på 13 av 14 postar, manglar Holetindane.
VIL sin statistikkførar skriv: - Han hadde fått igjen for å ta Holetindane
samtidig med turen han hadde til Brunstadkølen (i så fall ville han vore eitt
poeng føre Elling Hole og kapra 10.plassen). Alf Petter (53) er yngre enn alle som er
inne på topp-10 denne sesongen, og har såleis tida føre seg. Bøe kan heilt
klart bli ein «outsider» når han får nok år på baken.