Velledalen IL-jakke på Preikestolen
Postet av Velledalen Idrettslag den 15. Jul 2020
Det er Leiv Arne Alnes som
har sendt oss fotoet av sin gode sambuar, Marit. Og at den tidlegare
VRF-målmannen og VIL-gutehopparen er i godlune om dagen, ja, det er lett og
skjøne.
Det har seg nemleg slik at
Leiv er ihuga Leeds-tilhengar. Leeds hadde glanstida si på fotballbana i
England i fyrste halvdel av Leiv sitt liv, altså i førre hundreår. Siste åra
har Leeds snusa på opprykk til øvste nivå nesten kvar sesong, for så å rote seg
vekk mot slutten.
Men i år, i 2020, ser det
ut som Leeds greier det. Med tre kampar att har laget seks poeng til gode på
formsterke Brentford. Det bør halde! Vi tippar det vert kake i Karidagen den
dagen opprykket vert klar…..?
Takk for feriefoto, Leiv !
God ferie vidare og lukke
til med Leeds sine tre siste kampar!
PS. Neste kamp er heime mot botnlaget Barnsley.