VIL-kvartett i Birkebeinerløpet
Postet av Velledalen Idrettslag den 15. Jun 2019
Fyrst ut av våre er Torild Hole. Ho spring Halvbirken i klasse K 50-59.
Halvbirken er om lag tolv kilometer i distanse.
Litt seinare på dag,
nærare bestemt klokka 12.10, legg Radka Vosicka i veg i det 21 kilometer lange
Birkebeinerløpet. Radka spring i klasse 40-44 år. Klokka 12.20 er det start for
pulje åtte, med Ingeborg Skogen og Hanne Wold. Ingeborg i klasse 30-34 år,
Hanne i klasse 35-39 år.
Vi ynskjer alt godt for
våre fire under løpet.
Birkebeinerløpet samlar
ganske mange deltakarar frå Sunnmøre. Volda T&IL stiller eksempelvis åleine
ti utøvarar på halvmaraton-distansen. Av startlista ser vi at Torstein Hole (Torild
sin bror), spring for sitt 13 merke i sin 13 start. Han spring i klasse 60-64
år. Oskar Johan Kjellsbøl Hole, Gjelleråsen IF, er på plass i klasse M18-19 år.
Så vi vil tru besteforeldra i Velledalen – Ingrid og Elling Hole – fylgjer med.