Klasse 70-80 år i ånda til Konrad
Postet av Velledalen Idrettslag den 8. Mai 2019
Hatten av for trioen Ingunn Hole Hunnes (71), Olaf Einar Øien (76) og
Jarle Konrad Fausa (79). Trass «vaksen alder» kom alle tre seg inn på
resultatlista.
Ingunn Hole Hunnes debuterte i Konradløpet som 55-åring med tida 27.12.
Som 60-åring gjorde ho 25.51, som 70-åring 25.29 og som 71-åring i 2019 sterke
24.55. Persen hennar lyder på 24.12, sett som 68-åring i 2016.
Olaf Einar Øien er best
kjend i Konradløpet for 17.06 som 61-åring. Den tida har ingen vore i nærleiken
av på same alder. Olaf gjorde 26.24 i år, han òg spring halvmarton i Ålesund på
laurdag.
Kva skal ein så seie om
Jarle Konrad Fausa, Fausadalen sin einaste idrettsutøvar…? 24.13 i ein alder av
79 år, av mannen som debutert som 68-åring med 28.51. Alt som 70-åring var han
ned på 23.44, som 76-åring på 22.44. I fjor sleit han med idrettsskade, men
fullførde likevel i fin stil på 25.29, før han altså i 2019 trykte tida ned att
på 24.13.
Utan tvil, ein trio etter
Konrad Brunstad sin smak!